У састаў дэлегацыі таксама ўвайшлі намеснік Міністра аховы здароўя Рэспублікі Беларусь Барыс Андрасюк, супрацоўнікі Міністэрства эканомікі, Міністэрства адукацыі, кіраўніцтва Беларускага дзяржаўнага інстытута стандартызацыі і сертыфікацыі, прадстаўнікі шэрага беларускіх бізнэс-асацыяцый. 

 

Асноўнай мэтай візіту з'яўляецца вывучэнне вопыту ФРГ па пытаннях дыгіталізацыі эканомікі і рэалізацыі канцэпцыі “Прамысловасць 4.0”.

 

У рамках візіту ў г.Берліне беларуская дэлегацыя правяла сустрэчу ў Федэральным міністэрстве эканомікі і энэргетыкі Германіі з сустаршынëй Беларуска-германскай рабочай групы па гандлю і інвестыцыям, дырэктарам дэпартамента знешнеэканамічнай палітыкі Экхардам Францам, у ходзе якой абмяркаваны магчымасці наладжвання двухбаковага супрацоўніцтва ў гэтай галіне.

 

 

 

Таксама адбылося азнаямленне з работай шэрага цэнтраў кампетэнцыі і аб'ектаў смарт-прамысловасці, у прыватнасці выпрабавальнага цэнтра лічбавага размеркавання даследчага Iнстытута імя Фраунгофера, кампаніі “Detecon“, хаба лічбавага інжынірынгу, Інкубатара лічбавых стартапаў. 

 

У мэтах вывучэння розных аспектаў арганізацыі лічбавай трансфармацыі на ўзроўні федэральных зямель таксама запланавана наведванне адпаведных цэнтраў кампетэнцыі ў г.Кëльне і г.Ахене.