Інфармацыйнае мерапрыемства ў г.Аўгсбургу аб эканамічным развіцці Беларусі і яе гандлёва-эканамічных адносінах з Баварыяй
16.10.2019 г.Генеральным консульствам Рэспублікі Беларусь у г.Мюнхене ў супрацоўніцтве з баварскай арганізацыяй Augsburg International e.V. 15 кастрычніка 2019 года праведзена інфармацыйнае мерапрыемства ў г.Аўгсбургу, прысвечанае Рэспубліцы Беларусь. Генеральны консул А.Кулажанка выступіў перад членамі арганізацыі з дакладам, у якім ахарактарызаваў эканамічнае развіцце Беларусі і гандлёва-эканамічныя адносіны з Баварыяй, а таксама адказаў на шматлікія пытанні ўдзельнікаў мерапрыемства, якія датычацца актуальнага развіцця краіны.
У завяршэнне мерапрыемства для членаў Augsburg International e.V. была праведзена дэгустацыя прадуктаў харчавання беларускіх вытворцаў. Усім удзельнікам інфармацыйнага дня былі ўручаны сувеніры ад СААТ «Камунарка».