Аб рабочым візіце Пасла Д.Сідарэнкі ў федэральную зямлю Саксонія
08.05.2018 г.8 мая 2018 г. Пасол Рэспублікі Беларусь у ФРГ Дзяніс Сідарэнка наведаў федэральную зямлю Саксонія і правёў у г.Дрэздене сустрэчу з Прэм'ер-міністрам зямлі Міхаэлем Крэчмерам, у якой таксама прыняў удзел Дзяржаўны міністр юстыцыі Саксоніі, старшыня Парламенцкага форуму Цэнтральнай і Усходняй Еўропы Себасцьян Гемкаў .
У ходзе гутаркі былі абмеркаваны перспектывы развіцця супрацоўніцтва Беларусі і Саксоніі ў розных галінах, у тым ліку ў сферы адукацыі, эканомікі і інвестыцый. Адбыўся абмен думкамі аб ходзе падрыхтоўкі шэрагу беларуска-саксонскіх мерапрыемстваў і візітаў у 2018 годзе, уключаючы візіт у Рэспубліку Беларусь дэлегацыі Парламенцкага форуму Цэнтральнай і Усходняй Еўропы і двухбаковы эканамічны форум на базе Вышэйшай школы г.Митвайда.
З улікам насычанасці і рознапланавасці беларуска-саксонскага супрацоўніцтва Д.Сідарэнка выказаў таксама зацікаўленасць у заснаванні ў перспектыве партнёрства паміж Беларуссю і Саксоніяй.
Пасол Беларусі асобна выказаў падзяку грамадскім арганізацыям Саксоніі за шматгадовую гуманітарную дапамогу, што аказваецца на працягу дзесяцігоддзяў беларускім пацярпелым ад аварыі на ЧАЭС.
