Аб рабочым візіце Пасла Д.Сідарэнкі ў федэральную зямлю Гесэн
12.08.2019 г.
9 жніўня 2019 г. Пасол Рэспублікі Беларусь у ФРГ Дзяніс Сідарэнка наведаў федэральную зямлю Гесэн і правёў у яе сталіцы г.Вісбадэне сустрэчу з дзяржаўным міністрам, кіраўніком канцылярыі зямлі Акселем Вінтэрмеерам.
У ходзе сустрэчы Пасол давёў інфармацыю аб палітычным і сацыяльна-эканамічным развіцці Беларусі, прадставіў інвестыцыйны патэнцыял краіны, выказаў зацікаўленасць беларускага боку ў наладжванні ўзаемадзеяння з Гесэнам ў розных галінах на рэгіянальным узроўні, у тым ліку па лініі гарадоў-пабрацімаў.
Бакі дэталёва абмеркавалі магчымасці актывізацыі дзелавога супрацоўніцтва, а таксама кантактаў у гуманітарнай і адукацыйнай сферах паміж Беларуссю і Гесэнам.
У ходзе візіту кіраўнік дыпмісіі таксама сустрэўся з беларускімі суайчыннікамі-ветэранамі — Фраімам Бухманам ў г.Вісбадэне і Барысам Гельфандам ў г.Франкфурце-на-Майне, якім уручыў памятныя медалі, прысвечаныя 75-годдзю вызвалення Беларусі.
