Рэгіянальнае і гуманітарнае супрацоўніцтва
Значнай складовай часткай беларуска-германскіх адносін з'яўляецца супрацоўніцтва з федэральнымі землямі ФРГ, перш за ўсё з Брандэнбургам, Саксоніяй, Паўночным Рэйнам-Вестфаліяй, Ніжняй Саксоніяй. Мінск — Бон, Віцебск — Франкфурт-на-Одэры, Віцебск — Нінбург, Магілёў — Айзенах, Полацк — Фрыдрыхсхафэн, Пінск — Альтэна, Нясвіж — Лайхінген, Касцюковічы — Дзіцэнбах уваходзяць у лік 21 пары гарадоў-пабрацімаў Беларусі і Германіі. У лістападзе 2018 г. у г.Вітэнберге прайшла 10-я канферэнцыя гарадоў-пабрацімаў Беларусі і Германіі, у якой прынялі ўдзел звыш 120 прадстаўнікоў з 33 гарадоў дзвюх краін. У лістападзе 2022 г. у г.Мінску прайшла 11-я сустрэча прадстаўнікоў гарадоў-пабрацімаў i пабратымскiх iнiцыятыў Беларусі і Германіі.
Чарнобыльская катастрофа 1986 гады выклікала ў Германіі значную хвалю салідарнасці і гатоўнасці аказаць падтрымку пацярпелым рэгіёнам Рэспублікі Беларусь. У Германіі дзейнічаюць больш за 400 чарнобыльскіх ініцыятыў, якія ўносяць істотны ўклад у пераадоленне наступстваў Чарнобыльскай катастрофы.
Германія традыцыйна з'яўляецца адным з лідэраў па аб'ёме гуманітарнай дапамогі для Рэспублікі Беларусь. У 2022 годзе з ФРГ паступіла дапамога на агульную суму ў эквіваленце 10,56 млн. дол. ЗША (у 2021 годзе — 12, млн. дол. ЗША).
Самымі буйнымі адпраўнікамі гуманітарнай дапамогі з Германіі з'яўляюцца: «Канферэнцыя па матэрыяльных прэтэнзіях габрэяў да Германіі», “Renovabis e.V.”, “Erinnerung, Verantwortung und Zukunft”, “Freunde des Hl. Elisabeth Klosters zu Minsk e.V”.
У 2022 годзе ў сувязі з абмежаваннямі па супрацьдзеянні пандэміі каронавіруса і сітуацыяй ва Украіне аздараўленне беларускіх дзяцей у Германіі было поўнасцю прыпынена. У той жа час за кошт фінансавых сродкаў нямецкіх гуманітраных арганізацый беларускімі партнёрамі былі арганізаваны аздараўленчыя мерапрыемствы на тэрыторыі Беларусі, у прыватнасці на базе ДРАЦ «Надзея» (156 дзяцей).
