Гандлёва-эканамічныя адносіны
Германія традыцыйна з’яўляецца адным з вядучых знешнегандлёвых партнёраў Беларусі. У 2021 годзе яна заняла чацвёртае месца па аб’ёме тавараабароту (па аб’ёме экспарту – пятае месца, імпарту – трэцяе месца).
Дынаміка гандлю паміж
Рэспублікай Беларусь і Германіяй у 2017 – 2021 гг.
у млн. доллараў ЗША
|
|
Тавараабарот |
Экспарт |
Імпарт |
Сальда |
|
2017 |
2 845,2 |
1 118,1 |
1 727,1 |
-609 |
|
2018 |
3 262,2 |
1 455,3 |
1 806,9 |
-351,6 |
|
2019 |
3 101,9 |
1 306,8 |
1 795,1 |
-488,3 |
|
2020 |
2 623,1 |
937,8 |
1 685,3 |
-747,5 |
|
2021 |
3 422,4 |
1 668,7 |
1 753,7 |
-85,04 |
В умовах дзеяння шэрагу неспрыяльных фактараў аб'ём двухбаковага гандлю ў 2022 годзе зменшыўся.
Важным напрамкам беларуска-германскага эканамічнага супрацоўніцтва з’яўляецца сфера паслуг, у гандлі якімі назіраецца ўстойлівае дадатнае сальда для Беларусі.
У мэтах садзейнічання развіццю гандлёвых і інвестыцыйных сувязяў паміж дзвюма краінамі створаны двухбаковыя інстытуцыянальныя фарматы, уключаючы Беларуска-германскую рабочую групу па гандлі і інвестыцыях. Праводзяцца сумесныя эканамічныя мерапрыемствы: тэматычныя форумы і семінары, канферэнцыі, прэзентацыі.
Наладжана ўзаемадзеянне па лініі Усходняга камітэта германскай эканомікі, Федэральнага саюза малога і сярэдняга бізнесу Германіі, Нямецка-беларускага эканамічнага клуба. Кантакты паміж бізнес-коламі дзвюх краін ажыццяўляюцца ў тым ліку ў рамках Беларуска-германскага няўрадавага савета дзелавога супрацоўніцтва.
Важным фарматам работы па ўстанаўленні і развіцці двухбаковых кантактаў у сферы ўзаемнага гандлю з’яўляецца ўдзел прадстаўнікоў дзелавых колаў Беларусі і Германіі ў міжнародных выставачных мерапрыемствах, якія праводзяцца ў дзвюх краінах.
У 2021 годзе з Германіі прыцягнута інвестыцый на суму 121,2 млн. долараў, у тым ліку прамых – 114,1 млн. долараў, прамых на чыстай аснове – 48,4 млн. долараў.
