:

Навукова-тэхнічнае супрацоўніцтва

ФРГ з’яўляецца вядучым партнёрам Рэспублікі Беларусь сярод краін Еўрапейскага саюза ў галіне навукова-тэхнічнага супрацоўніцтва. 

Двухбаковае ўзаемадзеянне ў сферы навукі і тэхналогій грунтуецца на палажэннях міжурадавага Дагавора аб развіцці шырокамаштабнага супрацоўніцтва ў галіне эканомікі, прамысловасці, навукі і тэхнікі (8 лістапада 1993 г.) і Сумеснай заяве Міністэрства адукацыі і навукі Рэспублікі Беларусь і Федэральнага міністэрства адукацыі, навукі, даследаванняў і тэхналогій ФРГ аб арганізацыі навукова-тэхнічнага супрацоўніцтва (18 сакавіка 1996 г.). 

Падпісаны пагадненні аб супрацоўніцтве паміж буйнейшымі навуковымі арганізацыямі дзвюх краін – Нацыянальнай акадэміяй навук Беларусі і Нямецкім навукова-даследчым таварыствам (1997 год), Фондам ім. А.Гумбальдта (1998 год), Асацыяцыяй прамысловых даследчых аб’яднанняў “Ота фон Герыке” (2003 год). 

НАН Беларусі ажыццяўляе таксама ўзаемадзеянне з Таварыствам ім. Макса Планка (аб’ядноўвае больш за 80 навукова-даследчых інстытутаў у ФРГ). Развіваецца супрацоўніцтва беларускіх вучоных з навукова-даследчымі арганізацыямі Таварыства ім. Фраунгофера па такіх напрамках, як медыцына, высокапорыстыя матэрыялы, нанаматэрыялы, энергаашчаджальныя тэхналогіі, машынабудаванне. 
Створана двухбаковая рабочая група па навукова-тэхнічным супрацоўніцтве. 

Рэалізуюцца сумесныя мерапрыемствы і праекты ў рамках узаемадзеяння паміж Дзяржаўным камітэтам па навуцы і тэхналогіях Рэспублікі Беларусь (ДКНТ) і Федэральным міністэрствам адукацыі і навуковых даследаванняў ФРГ. 

У рамках беларуска-германскага конкурса навуковых праектаў “Партнёрства для даследаванняў у сферы ўстойлівага развіцця” бакі садзейнічаюць правядзенню сумесных даследаванняў і распрацовак па тэматыцы біятэхналогій, экалогіі і біяразнастайнасці, выкарыстання мясцовых узнаўляемых крыніц энергіі. 

У 2021 годзе аб’ём экспарту ў Германію беларускіх навуковых паслуг склаў 840,8 тыс. долараў ЗША, пры гэтым станоўчае сальда склалася ў памеры 714,7 тыс. долараў. 

Дыпмісіі Беларусі за мяжой

Усе дыпмісіі Сайт МЗС
Перайсці