Рабочая сустрэча актывістаў пабрацімскага руху
04.12.2023 г.
1 снежня 2023 г. у Пасольстве Рэспублікі Беларусь у Федэратыўнай Рэспубліцы Германія адбылася традыцыйная рабочая сустрэча нямецкіх актывістаў пабрацімскага руху і міжрэгіянальнага супрацоўніцтва паміж Беларуссю і Германіяй. Удзел у мерапрыемстве прынялі больш за 20 прадстаўнікоў нямецкіх партнёрскіх арганізацый.
У рамках сустрэчы адбыўся зацікаўлены абмен думкамі адносна актуальнага ўзаемадзеяння і перспектыў развіцця пабрацімскага супрацоўніцтва.
Перад удзельнікамі сустрэчы выступіў Пасол Беларусі ў Германіі Дзяніс Сідарэнка, які акцэнтаваў важнасць прадаўжэння двухбаковых кантактаў і ўзаемадзеяння па лініі 21 пары гарадоў-пабрацімаў Беларусі і Германіі, а таксама праінфармаваў аб бягучым стане беларуска-германскіх двухбаковых адносін.
