Аб памятных мерапрыемствах з нагоды 76-годдзя вызвалення ад фашызму
30.04.2021 г.З нагоды 76-й гадавіны вызвалення былых нацысцкіх канцэнтрацыйных лагераў на тэрыторыі ФРГ у красавіку 2021 г. Пасольства Рэспублікі Беларусь у Федэратыўнай Рэспубліцы Германія прыняло ўдзел у шэрагу памятных мерапрыемствах і ўскладанні вянкоў да мемарыялаў ушанавання памяці ахвяр фашызму.
У прыватнасці, супрацоўнікамі беларускай дыпмісіі ў ФРГ 12 красавіка 2021 г. былі ўскладзеныя вянкі да мемарыялаў на месцах былых канцэнтрацыйных лагераў «Бухенвальд» і «Мітэльбаў-Дора» (Цюрынгія).
У ходзе памятнай цырымоніі 18 красавіка 2021 г. на савецкіх вайсковых могілках у Берген-Лахайдэ (Ніжняя Саксонія) прадстаўнікі Пасольства ўшанавалі памяць загінулых савецкіх воінаў, звярнуўшыся таксама да прысутных з прывітальным словам.
У рамках удзелу ў памятных мерапрыемствах з нагоды вызвалення канцэнтрацыйных лагераў «Заксэнхаўзэн» і «Равенсбрук» (Брандэнбург) 19 красавіка 2021 г. кіраўніком беларускай дыпмісіі праведзены размовы з кіраўніцтвам шэрагу мемарыяльных комплексаў, у тым ліку з дырэктарам фонду «Брадэнбургскія мемарыялы» А. Дрэколем , у ходзе якіх дасягнуты дамоўленасці аб актывізацыі ўзаемадзеяння і ідэнтыфікацыі новых кааперацыйных праектаў па захаванні гістарычнай памяці.
Сумесна з першым намеснікам старшыні ландтага Саксоніі А. Дамбуа, саксонскім дзяржаўным Міністрам па культуры і турызму Б. Клепш, прадстаўнікамі грамадскіх аб’яднанняў і дыпламатычнага корпуса 23 красавіка 2021 г. Пасольства прыняло ўдзел ва ўскладанні вянкоў да мемарыяла «Цайтхайн» на месцы былога лагера для ваеннапалонных.
У рамках дадзенага мерапрыемства адбыўся выступ Пасла Беларусі ў Германіі Дзяніса Сідарэнка, у якім была акцэнтавана трагічнае значэнне Другой сусветнай вайны і Вялікай Айчыннай вайны для Рэспублікі Беларусь і беларускага народа.
Ваенны аташэ Пасольства Алесь Пашкевіч таксама прыняў удзел ва ўрачыстым мерапрыемстве ў г.Таргаў (Саксонія) з ускладаннем вянкоў да помніка «Сустрэча на Эльбе», які ўвасабляе сустрэчу войскаў саюзнікаў па антыгітлераўскай кааліцыі на р.Эльбе 25 красавіка 1945 г.