Прэзідэнт Рэспублікі Беларусь Аляксандр Лукашэнка павіншаваў народ ФРГ з Днём германскага адзінства
03.10.2021 г.3 кастрычніка 2021 г. Прэзідэнт Рэспублікі Беларусь Аляксандр Лукашэнка павіншаваў народ Федэратыўнай Рэспублікі Германія з Днём германскага адзінства:
«Аб’яднанне вашай краіны, штучна падзеленай на працягу доўгіх гадоў, стала адным з сімвалаў заканчэння халоднай вайны. Гэта знамянальная падзея дазволіла пачаць новую старонку ў гісторыі ўсёй Еўропы.
Упэўнены, што немцы добра ведаюць цану народнага адзінства і дзяржаўнасці. Таму жыхары вашай краіны ў стане зразумець і падтрымаць імкненне беларусаў да захавання суверэнітэту і незалежнасці.
3 улікам трагічнай спадчыны мінулага Мінск і Берлін многа зрабілі для прымірэння і збліжэння за апошнія тры дзесяцігоддзі.
Перакананы, што ў хуткім часе мы знойдзем магчымасці, каб пераадолець існуючыя супярэчнасці і стэрэатыпы, аднавіць дыялог, а таксама выйсці на новы этап канструктыўнага супрацоўніцтва.
У гэты святочны дзень жадаю шматнацыянальнаму германскаму народу талерантнасці, бясхмарнага мірнага неба і ўпэўненасці ў заўтрашнім дні».
