Прэзідэнт Рэспублікі Беларусь Аляксандр Лукашэнка павіншаваў народ ФРГ з Днём германскага адзінства
03.10.2022 г.
Паважаныя сябры,
Ад імя беларускага народа і ад сябе асабіста сардэчна віншую вас з Днём германскага адзінства.
Падзенне Берлінскай сцяны і аб’яднанне Германіі ўяўлялі сабой сапраудную змену эпох і надзею на устойлівы мір і бяспеку ў Еўропе.
Вы ведаеце, колькі пакут, смутку і болю здольны прынесці такі мур, што на доўгія дзесяцігоддзі стаў трагічным сімвалам падзелу горада, народа, цэлага кантынента.
На вялікі жаль, сёння мы зноў вяртаемся да часоў канфрантацыі, калі паміж краінамі ў самым сэрцы Еўропы будуюцца сцены.
Беларусы і немцы павінны разам зрабіць свой пасільны ўклад, каб пазбегнуць разбуральнага супрацьстаяння і не дапусціць новай катастрофы.
Мінск адкрыты для раўнапраўнага дыялогу і прагматычнага супрацоўніцтва з Берлінам, а таксама для далейшага развіцця двухбаковых адносін, якім сёлета споўнілася 30 гадоў.
У сённяшні святочны дзень жадаю народу Германіі мірнага неба, салідарнасці і дастойнай будучыні для сваіх нашчадкаў.